Kurdên Rojhilat li dijî serdana Zerîf xwepêşandan kirin

Kurdên Rojhilat li dijî serdana Zerîf xwepêşandan kirin

Kurdên Rojhilatê Kurdistanê li paytexta welatê Fînlandê, li dijî serdana Wezîrê Derve yê Îranê, Mihemed Cewad Zerîf xwepêşandan kirin.

A+A-

Kurdên Rojhilatê Kurdistanê li paytexta welatê Fînlandê, li dijî serdana Wezîrê Derve yê Îranê, Mihemed Cewad Zerîf xwepêşandan kirin.

 

Ew xwepêşandan ji aliyê nûneratiyên partiyên endamên Navenda Alîkariya Partiyên Kurdistana Îranê ve hatibû rêkxistin. Endam û alîgirên wan 4 partiyan li bajarê Helsînkiyê meşiyan.

 

Xwepêşanderan li dijî Komara Îslamî dirûşm gotin û daxwaz kirin ku welatên Ewropayê alîkariya Îranê nekin.

 

Wezîrê Derve yê Îranê bi serdanekê li welatên Skandînavî ye, û li gel serokomar û wezîrên derve û bazirganî yên wî welatî civiya.

 

Li ser civînên xwe yên bi berpirsên Fînlandê re, Zerîf ragihandiye, civînên wî encamên erênî hebûne.

 

Mihemed Cewad Zerîf piştî Fînlandê serdana welatê Swêdê kir û biryar e serdana Norwêjê jî bike.

 

Medyayên Îranê dibêjin, eger heye Zerîf serdaneke kurt jî bo Fransa hebe.

Ev nûçe 68 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin