KESK: Humat bi qeyûman û KHKyan merdimanê xo rê rant vila keno

KESK: Humat bi qeyûman û KHKyan merdimanê xo rê rant vila keno

Platformê KESKî yê Amedî vera qeyûman û KHK’yan beyanat da. Beyanat de ame vatiş ke, meqsedê qeyûman vilakerdişê rantî yo û no rant mabênê AKPyijan de yeno vilakerdene.

A+A-

Merkezê Xeberan- Platformê KESKî yê Amedî  seba tayînkerdişê qeyûman û karmendê ke bi KHK’yan amê îxrackerdiş Kuçeyê Hunerê yê Ofîsa Amedî de beyanatêk da çapemenî.

 

Hemserekê KESKî Mehmet Bozgeyîk, îdarekerê KESKî, Serekê TUMBEL-SENî Erdal Bozkurt û endamê TUMBEL-SEN beşdarê beyanatî bîyî. Nameye KESKî ser o Erdal Bozkurtî beyanat wend.

 

Erdal Bozkurtî wina va: “Prosesê tayînkerdişê qeyûman dewam keno. Îktîdar bi polîtîkaya qeyûman wazeno şarî ra heyf bigîro. Hukmat bi no qayde beledîyeyan talan keno, xo rê qesranê qijan virazeno û ranto ke peyda beno mîyanê merdimanê xo de vila keno.”

 

Bozkurt eleqe ant demê qeyûman ser û wina va: Hezar û 500 endamê sendîkaya ma bê hûqûqî kar ra amê eştene. Na neheqî ya. Ma no muamele şermezar kenî û wazenî wa hevalê ma peyser bigirîyê kar..

 

Bozkurtî ra dima hemserekê KESKî Mehmet Bozgeyîk zî qiseykerdişêk kerd û va: AKP nika welat bi OHAL, KHKyan, qeyûman û bi darbeyê sivîl û siyasî îdare kena.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin