Jineke Efrînî di topbarana Tirkiyê de canê xwe ji dest da

Jineke Efrînî di topbarana Tirkiyê de canê xwe ji dest da

.

A+A-

 Jineke koçber a ji Efrîn a Rojavayê Kurdistanê ku di topbarana artêşa Tirkiyê û komên çekdar ên girêdayî wî welatî de birîndar bûbû, jiyana xwe ji dest da.

Beriya 5 rojan di 26ê Tîrmehê de jineke koçber a ji Herêma Efrînê ya Rojavayê Kurdistanê di topbarana artêşa Tirkiyê û grûpên çekdar de, li navçeya Til Rifetê birîndar bûbû.

Rêxistine Mafên Mirovan a Efrînê ragihandiye, ew jina Kurd li ser rêya navbera gundê Şêx Îsa û Til Rifetê li gundewarê bakurê Helebê birîndar bûbû.

Li gor heman çavkaniyê, navê wê jina Kurd Fehîma Reşo û 22 salî bûye û ji ber giraniya birînên xwe canê xwe ji dest daye.

Rêxistine Mafên Mirovan a Efrînê herwiha ragihandiye, di 26 ê Tîrmehê de, ji bilî Fehîma Reşo her yek ji Kewser Mistefa 17 salî, Lamiya Hesen 41 salî, Roxaş Reşo 15 salî, Sewsen Sobhî Mistefa 14 salî û Atriya Mihemed Şobek 20 salî jî birîndar bûne.

Ev nûçe 118 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin