Jean Asselborn: Fermanên Tirkîyê ne di cihê xwe de ne

Jean Asselborn: Fermanên Tirkîyê ne di cihê xwe de ne

Di derbarê vegerandina çekdarên DAIŞê de ji alîyê Tirkîyê ve, Wezîrê Derve yê Luksemburgê di civîna wezîrên derve yê Yekîtîya Ewropayê de ragihand, fermanên Tirkîyê derbarê vê pirsê ne di cihê xwe de ne û baştir e ku hemahengî di navbera wan de hebe.

A+A-

Navenda Nûçeyan- Di daxuyanîyeke taybet ji bo Rûdawê, Wezîrê Derve yê Luksemburgê Jean Asselborn ragihand ku divê Tirkîyê bi hemahengî ligel welatên Ewropî mijara çekdarên biyanî çareser bike û got ku Kurd di mijara şerê DAIŞê de û herwiha di girtina çekdarên biyanî de gelekî alîkar bûn.

Jean Asselborn dibêje, hevpeymanîya ku çêbûye, armanca wê jinavbirina DAIŞê bû û Kurdan jî gelekî alîkarîya wan di şerê li dijî Daişê de kirin.

Asselborn got: “Hevpeymanîya çêbibû, armanca wê DAIŞ bû û divê ew kesên çûne nav wê berberîyê çareserek ji wan re bê dîtin. Kurd jî gelekî bi me re alîkar bûn. Gelek kesa jîyana xwe kirin qurbanî û ez hizra Kurdan dikim û ev jî nayê qebulkirin, bi bawerîya min di vê pirsê de ne di cihê xwe de ye Tirkîyê fermanê bide, ev pirsgirêke bo asayişa Tirkîyê, asayişa navçeyê û herweha bo asayişa Ewropayê ye.”

Çavkanî: Rûdaw

 

Ev nûçe 86 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin