Îmamoglu li Amedê ye

Îmamoglu li Amedê ye

Şaredarê Stenbolê Ekrem Îmamoglu ji bo piştgirîya şaredarên HDPê yên ji kar hatine dûrxistin, gihîşt Amedê.

A+A-

Şaredarê Stenbolê Ekrem Îmamoglu ji bo piştgirîkirina li şaredarên HDPê yên ji kar hatine dûrxistin, gihişt Amedê. Îmamoglu bi kombûneke rojnamevanî eşkere kir: Hikûmeta Tirkiyê dijî dengdêr û nûnerên HDPê cudakarî dike û ev siyasetek metirsîdar e.

Îmamoglu got: Hilbijartinên 31ê û 23ê Hezîranê Adara demokrasî hat qezenckirin û vîna xwedîderketina li demokrasiyê li Stebolê berceste bû. Gelek têgihîştinên giştî hene ku me demokrasî, komar, desthilatdariya hiqûqê û viyana netewî li ser ava kiriye. binpêkirin û bênirxkirina van têgehan jî li dijî demokrasî, yekîtiya me ya netewî û komara me ye.

Herwiha got: Desthilatdarî bê şert û merc ya milet e û serkeftin serkeftina gel e. Danîna qeyûman ser şaresariyan geflet û delalet e. Li cihê kesên bi hilbijartinê hatine û bê hilbijartin biçin, denokrasî û desthilatdariyê hiqûqê namîne.

Îmamoglu tekez kir: Her kesê bi hilbijartinê hatine li kû derê Tirkiyê be, xwedî nirx in. Hin partiyên siyasî û kesên hatine hilbijartin bê sizadan û kiryarên cuda li hember wan bên kirin, gelekî xeternak e û nayê qebûlkirin. Mixabin li Diyarbekir, Wan û Mêrdînê li dijî şaredarên wan cudahiyek hatiye nîşandan û em jê dilgiran in.

Li ser jikardûrxistina şaredarên HDPê jî got: Partiyên siyasî, parlemanter û şaredarên wan yan di nava hiqûqê de ne, yan li derveyî hiqûqê ne û aliyê derbarê wan de biryarê bide dadgeh e, ne hikûmet e.

 

Ev nûçe 905 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin