Hoşyar Zêbarî: Guhartin di sîstema siyasî ya niha û destûr de nayê kirin

Hoşyar Zêbarî: Guhartin di sîstema siyasî ya niha û destûr de nayê kirin

.

A+A-

Hoşyar Zêbarî: Destûra Iraqê ne tenê nerîna kesekî ye, belkû zêdetir ji sedî 60ê Iraqiyan deng li ser daye.

Endamê Polîtburoya Partiya Demokrat a Kurdistanê (PDK) û Wezîrê Darayî yê berê yê Iraqê Hoşyar Zêbarî ragihand, ti guhartin di sîstema siyasî û destûra Iraqê de neyê kirin.

Piştî ku alîgirên Tevgera Sedirê derbasî nava Encûmena Nûnera a Iraqê (parlamento) bûn, Muqteda Sedir duhî di daxuyaniyekê de ragihand, “Ev firsendeke mezin e ji bo guhertina bingehîn ya sîstema siyasî, destûr û hilbijartinan.”

Hoşyar Zêbarî di wê derbarê de li hejmara xwe ya tora civakî “Twitter” ragihand, sîstema siyasî ya niha û destûr dê neyin guhartin, ne bi mekanîzmayên destûrî yên ku li ser hatiye lihevkirin be.

Hoşyar Zêbarî diyar kir jî, destûra Iraqê ne tenê nerîna kesekî ye, ji sedî 60ê Îraqiyan di sala 2005an de di referandumeke cemawerî deng li ser daye û ji aliyê merciyet û civaka navdewletî ve hatiye piştgirîkirin û pesendkirin.

Tekez kir jî, ti derfet ji bo guhartina girêbesta civakî (destûr) nîne, ne piştî şêwir û guftûgoyên berfireh be.

(K24) 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin