Hikûmeta Herêma Kurdistanê bi tundî bersiv da Hesen Nesralla

Hikûmeta Herêma Kurdistanê bi tundî bersiv da Hesen Nesralla

Berdevkê Hikûmeta Herêma Kurdistanê Cotyar Adil bi tundî bersiva Sekreterê Giştî yê Hizbullaha Lubnanê, Hesen Nesrullah da û jê re got: “Yê ku Hewlêr û Kurdistan ji gef û metirsîya DAIŞê parastin, Hêza Pêşmerge bû, ne kesên din.”

A+A-

Navenda Nûçeyan- Îro roja duşemê 13.01.2010 Berdevkê Hikûmeta Herêma Kurdistanê, Cotyar Adil di daxuyanîyekê de bersiva Hesen Nesrullah da, ku di gotinênên xwe êrîşî Herêma Kurdistanê û Serok Mesûd Barzanî kirîye.

Cotyar Adil ji Hesen Nesrullah re dibêje: “Li şûna vê êrîşa neheq, heq bû ku berevanîyê li vê netewa bindest bikî, ku çendîn sal e zulm û zor di derheqê wê de tê kirin.”

Herwiha Cotyar Adil di daxuyanîya xwe da ragihand:”Ji me re ecêb tê ku tu bi dengekî lerzok û bi awayekî zarokane, êrîş dikî ser Herêma Kurdistanê û rêberê neteweyekê. Tu ku ew çend sal in te rengê rojê nedîtîye û te di jêrzemînan de xwe veşartîye, bêrêzî û sivikatîyê bi gellekî qehreman dikî. Li cihê vê êrîşa ne di cih de, heq bû ku berevanîyê li vê neteweta bindest bikî ku çendîn sal e zulm û zor lê tê kirin.”

Di beşekî din ê daxuyanîyê da Cotyar Adil gotinên Hesen Nesrullah de red dike, ku gotîye Kurdistan deyndarê Qasim Sulêymanî ye û wî Kurdistan ji êrîşa DAIŞê parastî ye û tekez dike: “Hêza Pêşmerge bû ku Hewlêr û Kurdista parat ne xelkekî din. Tevî wê yekê, me spasîya hemû wan kesan kirîye ku alîkarîya me kirin, lê belê ew kesê ku goya nûnerê we bûye û di dema serdana bo cem serok Barzanî de beşdar bûye, divê her heman kes be ku li gel kesên wek xwe, di rojên 16, 20 û 26ê Oktobera 2017 de armanc û xewana wî dagîrkirina Kurdistanê bû, lê belê li bermaber berxwedan û berevanîya qehremanî ya Pêşmerge, bi awayekê lerzok û serşor serî li keviran xistin û xewanên wan di gorê de hatin çalkirin.”

Di dawîya daxuyanîyê jî da Cotyar Adil wiha daye zanîn:“Tu ku ji tirsa neyarên xwe newêrî serê xwe derxî, çima şer difiroşî netewekê ku ti pêwendîya wê bi te nîne. Serok Barzanî sembola berxwedana netewekê ye û tuyê tirsenok gelek ji wê yekê biçûktirî ku wê zimandirêjîyê bikî.”

 

 

Ev nûçe 132 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin