Hêzên Sûriyê êrişî xala çavdêriyê ya Tirkiyê kirin

Hêzên Sûriyê êrişî xala çavdêriyê ya Tirkiyê kirin

Hêzên rejîma Sûriyê, li Idlibê êrişî xala çavdêriyê ya Tirkiyê kirin.

A+A-

Li gor zanyariyan ji firokeyên şer ên rejîma Sûriyê, li nêzikî xala çavdêriyê ya bi hejmara 8 a Artêşa Tirkiyê li navçeya Maaretînuman a li başûr rojhilatê Idlibê bi çekên giran êrişek hat encam dan. Hat zanîn ku di encama wê êrişê de ziyanek çênebûye.


 

Ew xala çavdêriyê ya hêzên Tirkiyê, dikeve bakûrê Xan Şêxûn a ku ji aliyê artêşa Sûriyê ve hatiye dorpêçkirin.


 

Rûsya û Tirkiyê 17ê Îlona 2018an derbarê İdlibê de rêkeftinek saz kiribûn û li gor wê rêkeftinê pêwîst bû deverek bihata avakirin ku hemû grûpên çekdar li gel çekên giran ji wê deverê derketiban. Artêşa Tirkiyê jî di çarçova wê rêkeftinê de li devera Idlibê 12 xalên çavdêriyê ava kiribûn.


 

Lêbelê ev rêkeftin bicî nebûye û Artêşa Sûriyê jî bi hinceta êrişên grûpên çekdar ên li wê herêmê, ev heyameke operasyonan encam dide û bi dorpêçkirina bajarokê Xan Şêxûn ku xwedî girîngiyeke stratejîk e, xaleke çavdêriyê ya Tirkiyê jî ket bin dorpêça hêzên rejîma Sûriyê.


 

Ji ber şer û pevçûnên li wê herêmê heta niha zêdetirî milyonek xelkê sivîl berê xwe dane ser sînorê Tirkiyê.

  

Ev nûçe 63 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin