Hêzên Îranê li Hacî Omeranê 2 kolberên Kurd birîndar kirin

Hêzên Îranê li Hacî Omeranê 2 kolberên Kurd birîndar kirin

Êvara derbasbûyî li sînorê Hacî Omeranê hêzên Supaya Pasdaran a Îranê teqe li hejmareke kolberên Kurd kirin û di encamê de 2 kolber birîndar bûn.

A+A-

Navenda Nûçeyan- Navê kolberên birîndar, Sîrwan Ehmed (33 salî) û Silêman Hemeze (50 salî) ye, ku xelkê gundên Dilawan û Badîwanê yên ser bi Pîranşarê ve ne.

Herdu birîndar ji bo dermankirinê bo nexweşxaneya Çomanê ya Başûrê Kurdistanê hatine veguhastin.

Yek ji kolberên birîndar, Sîrwan Ehmed ji Rûdawê re got, ew karwaneke 11 kesî bûn û wan dixwest di rêya kevnerêya Gundejor re kala û kelûpelan ji Başûrê Kurdistanê veguhêzin Pîranşarê li Rojhilatê Kurdistanê, lê belê li Kanî Nawxoşê ew ketine kemîna hêzên Supaya Pasdaran a Îranê û wan hêzan teqe li wan kirîye, ku di encamê de ew bi xwe û kolberekî din birîndar bûn.

Bi gotina Sîrwan Ehmed, piştî teqeyê 9 kesên din barên xwe avêtin û revîyan.

Rêveberê Tendirûstîya Çoman, Ehmed Gelalî ji Rûdawê re got, ew du birîndar ji dest û pîyên xwe birîndar bûne û her yek ji wan gulleyek li laşê wan ketîye, yek ji wan ji lingê xwe û kesê din jî ji baskê xwe ve birîndar bûye.

Ehmed Gelalî herwiha da zanîn, ew herdu kolberên Rojhilatî li Nexweşxaneya Çomanê çareserîya pêwîst ji wan re hatîye kirin.

 

Ev nûçe 106 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin