Merkezê Xeberan - Ewro 25.03.2020î wezaretîya weşîye ya Herêma Kurdistanî bi beyanatêk aşkere kerd ke, Hewlêr de 2 kesanê bînan de vîrusê korona ame tespîtkerdene

Beyanatê wezîrîya weşî ke Facebookî ser ra ame dayene de wina ame vatene: ‘’Kesanê bi gumanan ser o testî amê kerdene û bajarê Hewlêrî de 2 camêrdan de viruse Korona ame tespîtkerdene. Her 2 camêrdî zî 35 serrî yê bajarê Hewlêrî de nişenê ro.

Gorê beyanatî herêma Kurdistanî de heta nika 99 kesan de virus amo vînayîş û 2 kesî zî merdê.