Hêrişanê Îranî de cinîya digane zî tede 13 kesî ameyî qetilkerdene

Hêrişanê Îranî de cinîya digane zî tede 13 kesî ameyî qetilkerdene

.

A+A-

Hêrişanê Îranî yê vera Başûrê Kurdîstanî de heta nika cinîyêka digane zî tede 13 kesî ameyî qetilkerdene û 58 kesî birîndar bîyî.

Vizêr hêzanê Îranî Başûrê Kurdîstanî de dezgeh û baregehê hêzan û sivîlanê Rojhelatê Kurdîstanî kerdî hedef. Silêmanî û Hewlêr de baregehê Partîya Demokrate ya Kurdîstanî ya Îranî (PDK-I), Komele û Partîya Azadîye ya Kurdîstanî bi giranî dîyayî bombayan ver.

Goreyê servîsanê antî-terorî yê Başûrê Kurdîstanî hêrişan de cinîyêka digane zî tede 13 kesî ameyê qetilkerdene û zafê ci sivîlî 58 kesî birîndar bîyê. Mîyanê birîndaran de 3 muxabîrê kanalê K24î zî est ê.

Eşkerayîye de dîya zanayene ke herême bi fuzeyanê balîstîkan û dronan 70 reyî dîyaya bombayan ver. Goreyê hukmatê Bexdadî bi 20 dronana hêriş ameyo kerdene.

Îdareyê Bexdad û Hewlêrî hêrişî şermezar kerdî. Fermandarîya Leşkerî ya Rojhelatê Mîyanênî ya Amerîka Centcomî zî pare kerd ke çarşeme nêmroje ra dima droneyêko ke 'seba hêzanê Centcomî gef bi' ameyo pirodayene.

Washingtonî nê hêrişî sey 'hêrişanê kustahan' pênase kerdî û şermezar kerdî. Londonî zî venga Tehranî da ke bombardumanan wa vindarno. Berlinî vat ke hêrişî 'nênê qebulkerdene.' Parisî zî hêrişê sey 'binpaykerdişê serwerîya Iraqî' pênase kerdî û şermezar kerdî.

Ev nûçe 154 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin