Diyarbakır11 °C
Her kesê ku rastî gefa kuştinê were, dê pasewan jê re were dabînkirin

Her kesê ku rastî gefa kuştinê were, dê pasewan jê re were dabînkirin

Endamekî komîsyona navxwe û asayişê ya parlementoya Kurdistanê ragihand, êdî kî rastî gefa kuştinê were yan jî metirsî li ser hebe, dê jê re pasewan (parêzvan) bê dabînkirin.

A+A-

Navenda Nûçeyan- Parlementerê Kurdistanê û endamê komîsyona navxwe û asayişê, Nizar Mela Xefar ji BasNewsê re got, di pirojeqanûna reforman de bendek li ser çawanî û çendetîya pasewanên wezîr û wekîl û berpirs û welatîyên normal, baregeh û dezgeh û cihên giştî heye.

Nizar Mela Xefar her wiha got, li gorî wê bendê, Wezareta Navxwe dê yekîneyeka taybet ya pasewantîyê ava bike. Êdî ti kes nikare bi serê xwe ji xwe re pasewanan destnîşan bike, her tişt dê ji alîyê Wezareta Navxwe ve were birêvebirin.

Wî endamê komîsyona navxwe û asayişê da zanîn, li gorî qanûna nû êdî her kes rastî gefa kuştinê were yan jî metirsî li ser hebe, dê jê re pasewan bê dabînkirin.

 Basnews

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin