Hemû hêzên çekdar ji Şingalê hatin derxistin

Hemû hêzên çekdar ji Şingalê hatin derxistin

.

A+A-

Hemû hêz û grubên çekdar ên li Şengalê baregehên xwe vala kirin û derketin derveyî wê qezayê.

Fermandariya Operasyonên Hevbeş ên Iraqê bi daxuyaniyekê careke din piştrast kir, hemû kom û hêzên çekdar ji navenda qezaya Şengalê derketine.

Berdevkê Operasyonên Hevbeş Lîwa Tehsîn Xefacî ji medyaya Iraqê re ragihand, derketina hêzên çekdar ji Şingalê li gor rêkeftina di navbera Hikûmeta Bexda û Hewlêrê de ye. Niha ti grubên çekdar li qezaya Şingalê nemane.

Berdevkê Operasyonên Hevbeş her wiha aşkere kir, derketina hemû hêzên çekdar ên ser bi PKKê ve ji Şingalê, bi guftûgoyê pêkhatiye.

Xefacî behsa wê yekê jî kir, hemhengiyeke hevbeş di navbera hêzên hevbeş ên Iraqê û hêzên Pêşmerge de heye, ji bo aramî li wê herêmê bi cih bibe.

Diyar kir, polîsê xwecihî li qezaya Şingalê bi erkê xwe radibin. Polîsa Federalî û Pasewanên Sînor jî, erkê wan parastin û dabînkirina ewlekariya sînorê bi Sûriyê re ye

Ev daxuyanî di demekê de ye, heftiyek e proseya vekişîna hêzên çekdar ji Şengalê dest pê kiriye. Ev jî piştî rêkeftina Hewlêr û Bexdayê ya li ser asayîkirina rewşa Şingalê û vegerandina koçberan tê.

 

Ev nûçe 130 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin