Helbestvan Seydayê Dilbirîn koça dawî kir
Îro li bajarê Qamişlo helbestvanê Kurd Ferhan Hisên ku bi navê Seydayê Dilbirîn naskirî ye, di 73 saliya xwe de, di encama nexweşiyekê de koça dawî kir.
A+A-
Termê Seydayê Dilbirîn li goristana Hilêlyê hate veşartin.
Ew di sala 1946 li gundê Çaxir Bajar li başûrê Amûd a Rojavayê Kurdistanê jidayik bûbû.
Di nav salên 1963 û 1967an de, ji aliyê hêzên ewlekariyê hatibû girtin. Çend dîwanên wî hene, wek Gulistan, Mizgîn û Derdê Welat.
Sala 2004an beşdarî damezrandina Yekîtiya Nivisakar û Rojnamevanên Kurd bû û di sala 2014an de beşdarî damezrandina Yekîtiya Niviskarên Kurd-Sûriyê bûbû.
Seydayê Dilbirîn bi şêweya klasîk helbest dinivîsandin û bandora Seydayê Cegerxwîn û Tîrêj lê hebû û Seydayê Tîrêj bi xwe navê Dilbirîn lê kiribû.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin