Hejmara kuştî û birîndarên teqîna Efrînê zêde bû

Hejmara kuştî û birîndarên teqîna Efrînê zêde bû

Rêxistina Mafê Mirovan li Efrînê navê 8 kuştiyan belav kiriye û kuştina 3 kesên din jî piştrast kiriye ku hîn nasnameya wan nehatiye naskirin.

A+A-

Hejmara kuştî û birîndarên teqîna êvara duh Duşemê ya li bajarê Efrînê zêde bûye, lê hejmarên cihê hatine belavkirin. Walîtiya Hatayê ya Tirkiyê ragihandiye, 11 kuştî û 43 birîndar hene, lê Rêxistina Mafê Mirovan li Efrînê dibêje, di teqînê de 11 kes hatine kuştin û 36 kes jî birîndar in.

Rêxistina Mafê Mirovan li Efrînê navê 8 kuştiyan belav kiriye û kuştina 3 kesên din jî piştrast kiriye ku hîn nasnameya wan nehatiye naskirin.

Rêxistina Mafê Mirovan li Efrînê herwih hejmara birîndaran jî 36 kes ragihandiye, ku hejmarek ji wan jin û zarok in.

Li aliyekê din Walîtiya Hatayê di daxuyaniyekê de ragihandiye, ji ber teqîna êvara duh a li Efrînê 9 kes hatine kuştin û 43 kes jî birîndar bûne.

Êvara duh Duşemê 14ê Îlonê derdora demjimêr 18:00an teqîneke bihêz bajarê Efrînê yê Rojavayê Kurdistanê hejand.

Teqîn li nêzîkî Xaçerêya Kawa li navenda bajarê Efrînê û bi otomobîleke barhilgir a bombekirî hatibû encamdam.

Herêma Efrînê ji 18ê Adara 2020 ve di kontrola Tirkiyê û komên çekdar ên girêdayî Tirkiyê de ye.

Medyayên Tirkiyê duh hejmara kuştiyên teqîna li Efrînê 7 kes û hejmara birîndaran jî 40 kes diyar kiribûn.

Di teqîna li Xaçarêya Kawayê de gelek zirar gihîştiye avahî û otomobîlên derdorê.

Heta niha tu aliyekî berpirsiyariya xwe di ber vê teqînê de ranegihandiye.

 

Ev nûçe 117 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin