Fermandehiya hevbeş ya Pêşmerge û artêşa Iraqê: Dest bi qonaxa duyem ya operasyonên hevbeş tê kirin

Fermandehiya hevbeş ya Pêşmerge û artêşa Iraqê: Dest bi qonaxa duyem ya operasyonên hevbeş tê kirin

.

A+A-

Nûnerê hikûmeta Herêma Kurdistanê li nav fermandehiya hevbeş ya Pêşmerge û artêşa Iraqê de, dibêje, ewê dest bi qonaxa duyem ya operasyonên hevbeş bikin.

Nûnerê hikûmeta Kurdistanê li nav fermandehiya hevbeş ya Pêşmerge û artêşa Iraqê de, Ebdulxaliq Telet ji BasNewsê re got, ew du komîteyên ku biryar hatibû dayîn li Hewlêr û Bexdayê bên avakirin, dest bi kar bûn.

Ebdulxaliq Telet her wiha got, piştî dest bikar bûna wan komîteyan emê dest bi qonaxa duyem ya operasyonên hevbeş bikin. Ew jî pêkanîna hêzeka hevbeş û bicîhkirina wê hêzê li wan deverên ku vala ne.

Wî fermandeyê Pêşmerge da zanîn jî, pêkanîna wê hêza hevbeş bo wê ye pêşiya dubare aktîfbûna DAIŞê were girtin û terorîstên ku li wan devera ne jî, bên şikandin.

Bi gotina nûnerê hikûmeta Kurdistanê, destpêkê dê li parêzgeha Diyale hêza hevbeş were pêkanîn, paşê jî li Kerkûk û Mexmûrê.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin