Fermandarê Cendirmeyan Afyonê Amedspor kir hedef

Fermandarê Cendirmeyan Afyonê Amedspor kir hedef

.

A+A-

Fermandarê Cendirmeyan ê bajarê Afyonê Yilmaz Kirgel berî lîstika futbolê ku biryar e îşev di navbera Amedspor û Afyonspor bêlîstin, bi zimanek tund Amedspor kir hedef û got: “Piştî terora ku me li Mêrsînê qewîmî, tişta di dilê min de heye dixwazim bibêjim: Dixwazim encam 5-0 be. Hûn wan bipelixînin û ji wan bibin, em dê wan ji vir bişînin.”

Fermandarê Cendirmeyên bajarê Afyonê Yilmaz Kirgel duh bi rêvebir, lîstikvan û komîteya teknîkî ya Afyonsporê re hat cem hev û piştre daxuyanî da.

Yilmaz Kirgel behsa êrişa PKKê ya li Mêrsinê kir û got ku teqez divê Afyonspor bi serbikev û wiha pê de çû: “Dilê me bi were ye, karê we lîstina futbolê ye. Bi rastî hûn wê gelek baş dikin. Ya dimîne jî ji mere bihêlin. Pêwîstiya Afyonê bi serkeftinê heye. Bitaybet piştî êrişa terorîstî ya Mêrsînê ew tişta ku di dilê min re derbas dibe dixwazim dibêjim, hûn bi encama 5-0 wan biperçiqînin û ji wan bibin û em dê bi wî awayî wan ji vir bişînin. Weke min gotî ya dimîne jî ji mere bihêlin.”

Fermandarê Cendirmeyan ê bajarê Afyonê ku Amedsporê dike armanc li ser hesabên twitter hatin belavkirin û bû sedema nerazîbûna hejmareke zêde ya alîgirên Amedsporê.

Ev nûçe 110 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin