Ezgî Mola ji ber ku xwest Mûsa Orhan bê girtin ceza lê hat birîn

Ezgî Mola ji ber ku xwest Mûsa Orhan bê girtin ceza lê hat birîn

.

A+A-

 Lîstikvan Ezgî Mola, ji ber bêrêziya çawîşê pispor Musa Orhan ê ku tecawizî İpek Er kir û bû sedema mirina wê hat darizandin, ceza lê hat birîn. 

Li navçeya Qubînê ya Êlihê, di 18’ê Tebaxa 2020’an de çawîşê pispor Mûsa Orhan tecawîzî Îpek Er kiribû û bibû sedama mirina wê. Orhan ê ewil hat girtin û dûre serbest hatibû berdan, darizandina wî dewam dike. Di wê demê girtin û dûre serbest berdana Orhan rastî bertekên gelek aliyan hatibû. 

Lîstîkvan Ezgî Mola jî, di 20’ê Tebaxa 2020’an de, li ser hesabê xwe yê Twîtterê, ev parvekirine kiribû; “Kesên bêşeref, tecawîzkar berdan, di wijdanên xwe de bixeniqin. Êdî, we qanûn, dua, mirad, daxwaz, tika û hêviyên me ji destê me girtin!! Ez êdî çi bêjim! Xwelî li serê we be! Xwelî li serê we be! #MusaOrhanTutuklansin”

Ji ber ku lîstîkvan Mola lêborîn red kir, parêzerê Orhan Mehmet Erkan Akkuş derbarê wê de gilî kir û doz hat vekirin. Doz li 31’emîn Dadgeha Cezayê Eslî ya Enqerê hat dîtin. Dadgehê di encama darizandinê de, 65 roj cezayê bere (5 hezar û 200 lîre) li Ezgî Mola birî. Herî dawî biryar hat dayîn ku ragihandina biryarê were paşxistin.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin