Esnafo ke vat 'Tîya Kurdîstan o' ame destbendkerdene

Esnafo ke vat 'Tîya Kurdîstan o' ame destbendkerdene

.

A+A-

Esnaf Haci Tunço ke wextê zîyaretê Serekê Partîya Vurîyayîşî ya Tirkîya (TDP) Musatafa Sarigulî de Wan de vat 'tîya Kurdîstan o' ame destbendkerdene.

Serekê Partîya Vurîyayîşî ya Tirkîya (TDP) Musatafa Sarigulî wexto esnafanê qezaya Rêya Armûşî ya Wanî de esnafan reyde pêvînayîş kerdêne esnaf Haci Tunçî vat: ''Embazêkê ma Sêrt de vat 'Tîya Kurdîstan o.' Hezar û di hezar serrî verî zî tîya Kurdîstan bi. Reyna zî Kurdîstan bibo. Homayî ma afernayî. O kurdkî, tirkî, erebkî, îngilîzkî zî zaneno.''

Sarigulî zî îdîa kerd ke ê do pêro hemwelîyan reyde 'bi yewîya sînor û alaya tirkan' mil bi milî şorê.

Dima ke Sarigul şi polîsan eşt dikanê Tunçî ser û o destbend kerd. Avûkatê Tunçî da zanayene ke derheqê sebebê destbendkerdişî de agahîye nêdîyaye ci.

Teşrîna verêne de zî Sêrt de esnaf Cemîl Taşkesen Sereka partîya nîjaspereste ÎYÎ Merale Akşener rê vatbi 'Tîya Kurdîstan o.' Taşkesen dima amebi destbendkerdene û wextêkî ra pey vera dîyabi.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin