Dîyaneta Tirkîyê: Bila jin û mêr bi hev re govendê negerînin

Dîyaneta Tirkîyê: Bila jin û mêr bi hev re govendê negerînin

Di kitêbekê de bi navê “Jîyana Me ya Malbatê” ku ji alîyê Serokatîya Karûbarê Dîyanetê ya Tirkîyê ve li ser internetê hatîye belavkirin, daxwaz tê kirin ku jin û mêr bi hev re govendê girênedin û herwiha bi hevre dansê nekin.

A+A-

Navenda Nûçeyan - Di kitêbê de ku ji alîyê Endamê Sazîya Bilind a Karûbarê Olî Prof. Dr. Ahmet Yaman ve hatîye amadekirin û li ser internetê hatîye belavkirin, derbarê şahîyan de hişyarî tê dayîn.

Di kitêba bi navê “Jîyana Me ya Malbatê” de tê îdîakirin ku dans û gerandina govendê ya jin û mêran bi hev re li dijî Îslamê ye.

Li gor medya Tirkîyê, di kitêbe de hatîye nivîsîn ku: “Divê mirov xwe ji vexwarinên bi alkol, dans û gerandina govendê ya jin û mêran bi hev re, şahîyên din ên wiha, lixwekirina cil û bergên ne li gor Îslamê, pêşandana kultura derveyî Îslamê, mesrefa zêde û bikaranîna çekan ku ewlehîya can û mal dixin metirsîyê û di nav qedexeyên Îslamê de cîh digrin, xwe dûr bixin.”

 

Ev nûçe 290 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin