DAM: Dêrsim de tarîqatî bi sîstematîkî xo rêxistin kenê!

DAM: Dêrsim de tarîqatî bi sîstematîkî xo rêxistin kenê!

.

A+A-

Merkezê Cigêrayîşanê Dêrsimî (DAM) Dêrsim de rêxistinbîyayîşê tarîqatan ser o cigêrayîşêk kerd. Goreyê cigêrayîşî tarîqatî bi sîstematîkî xo rêxistin kenê.

Merkezê Cigêrayîşanê Dêrsimî (DAM) Dêrsim de rêxistinbîyayîşê tarîqatan ser o cigêrayîşêk kerd. DAMî derheqê cigêrayîşî de eşkerayîyêke daye û da zanayene ke şaristan de rêxistinbîyayîşê tarîqatan texmînan ra zêdêr  xurt o.

Eşkerayîye de ame parekerdene ke sere de Komeleya Xizmetê Kultur û Perwerdeyî ya Munzurî (Suleymancî), Komeleya Ehlîbeytî (tarîqatê Menzîlî), Weqfa Ensarî, Weqfa Bîrlîk, Cemîyetê 'Ilim Yayma' (AKP), Weqfa Tugva xeylêk cemaat û tarîqatî şaristan de falîyetan kenê. Eşkerayîye de ame vatene ke taxa Ataturkî de zî dikanê bazirganîye yê nê cemaat û tarîqatan virazîyenê û roje be roje zêdîyenê.

Eşkerayîye de bale ameye antene ser ke nê cemaat û tarîqatî zî sey metodanê cemaatê Fethullah Gulenî vila benê. Gulenî deba dêrsimijan vatbi ke dêrsimijan tim vera dewlete sere wedarit û zaf bitehluke yê.

DAMî eşkera kerd ke nê cemaat û tarîqatî zêdêr Zanîngehê Munzurî de bi destê dewlete xo rêxistin kenê û mamostayê Zanîngehî zî xebatanê înan de cagênê.

DAMî ard ziwan ke nê cemaat û tarîqatî armanc kenê ke dêrsimijan asîmîle bikerê û bawerîya elewîtîye ra dûrî bivisnê.

DAMî vist vîrî ke Dêrsimî verî cemaatê Gulenî eşkera kerdbi û vera ci tewirê xo girewtbi û vat ganî reyna heman vera nê tarîqat û cemaatanê ke wazenê elewîtîye tasfîye bikerê tewir bêro mojnayene.

 

Ev nûçe 178 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin