Ciwanekî 25 salî xwe kuşt

Ciwanekî 25 salî xwe kuşt

Li Amedê, ciwanekî Kurd xwe avêt ser rêya otomobîlan û dawî li jiyana xwe anî.

A+A-

Bûyer li ser rêya di navbera parêzgehên Amed û Rihayê yên Bakûrê Kurdistanê de rû da.

Ciwanê Kurd ê bi navê Sayim Aras, derket ser pira li ser rêya bejahî û xwe avêt ser rê ku hatinûçûna seyareyan a li ser wê rêyê zêde bû.

Ew ciwan ji bildahiyeke çend metreyê ket ser rê û otomobîleke ku bilez derbas dibû, bi xeletî daye ser wî ciwanî.

Di vê encama bûyerê de wî ciwanê ku temenê wî 25 sal bûn, li cihê bûyerê cane xwe ji dest da.

Termê ciwanê Kurd ji bo karûbarên otopsiyê bo morga Nexweşxaneya Selahedîn Eyyûbî ya Amedê hat rakirin.

Kesûkarên Aras jî bi bihîstina bûyerê gihiştin wê deverê û yek ji wan jî xwest xwe di wê pira li ser rê de biavêje, lêbelê ji aliyê hêzên polîs ên Tirkiyê ve hat girtin û astengkirin.

Sayim Aras xwendekarê beşa Psîkolojî ya Zaningeha Kocaelî ya Tirkiyê bûye û piştî bi dawî hatina xula xwendinê ya îsal, bo betlaneyê vegeriyaye bajarê xwe Amedê. 

Heta niha nayê zanîn bê ka wî ciwanî çima dawî li jiyana xwe aniye.

Ev nûçe 72 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin