Çewlîg-Daristanê Karacehenemî yeno talankerdene

Çewlîg-Daristanê Karacehenemî yeno talankerdene

.

A+A-

Daristanê Karacehenemî yê Kanîreşê Çewlîgî de birnayîşê daran dewam keno. Şarê herême vera birnayîşê daran nêrazîbîyayîş ramojna.

Daristanê Karacahenemî yo ke mabênê dewanê Meşelî  û Qizilaxaçî yê qezaya Kanîreşî ya Çewlîgî de yo,  bi rojan o darî bi bahaneya 'asayîşî' yenê birnayene.

Daristanê Karacehenî yo ke waro tewr sixletî yê daristanê bajarî yo  sey depoyê oksîjenî yeno zanayene. Şarê herême seba ke daristanê seserran yeno qirkerdene hersbîyaye yo.

Dewijê Qizilaxaçî Hatîp Kapurî ard ziwan ke înan Mudirîya Daristanî ya Çewlîgî  reyde pêvînayîş kerd ke wa birnayîş bêro vindene la înan ra ameyo vatene ke seba ke daristanî zafêr zergûn bî têna tiraş kenê.  La leşkeran înan ra vato ê semedê 'asayîşî' daran birnenî. Kapurî ard ziwan ke selahîyetdarî zanayîşê zelalî nêdanê û vat: ''Ma nêwazenê daristanê  ma bêrê birnayene. Nê daristanî damarê ganê Çewlîgî yê. Eke nê daristanî çînêbî Çewlîgî de şilî nêvarena. Tîya bi mîlyonan ganî estê. Ganî naye rê cade çareyêk bêro vînayene.''

Kapurî vist vîrî ke warê birnayîşê daran de şewat zî vejîya û vat: ''Mudirê Daristanî semedê hewnakerdişê şewatî çîyêk nêkeno. Xora dewijî rîyê 'asayîşî' ra nêeşkenê dewbikewê nê warî. Kamî nê şewat vet. Eke karadeniz û rojawan de darî bêrê birnayî veng vejîyeno la tîya ne vera şewat ne zî vera birnayîşê daran vengê çewî nêvejîyeno.

Dewa Meşelî ra Ferhat Çelikbilekî zî vat: ''Yenê daristanê ma birnenê. Ma nêwazenê darê ma bêrê birnayene. Ma daristananê xo ra hes kenê û tim pawenê. La çend rojî yo sey dizdîye bê hayîdarîya dewijan yenê daranê ma birnenê. Wa pêro vengê ma bieşnawê. Ma vizêr waşt şirê warê birnayîşê daran la leşkeranê destûr nêda. Ganî verê nê biranayîşê daran bêro girewtene.''

 

Ev nûçe 220 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin