Çekdarên ser bi Tirkîyê bi armanca lêgerîna entîkayan darên zeytûnê hilkirin

Çekdarên ser bi Tirkîyê bi armanca lêgerîna entîkayan darên zeytûnê hilkirin

Li Efrînê kolandina cihên dîrokî bi armanca lêgerîna li entîkayan û hilkirina darên zeytûnê ji alîyê grubên çekdar ve berdewam e.

A+A-

Navenda Nûçeyan - Jêderekî ji Efrînê ji K24ê re ragihand, grubên çekdar ên ser bi artêşa Tirkîyê ve bi wesayîtên kolandinê yên mezin ve dest bi kolandina girê li gundê Kela kirine û dora 220 darên zeytûnê yên li derdora wî girî hilkirine.

Mijara kolandina girên dîrokî û şûnwarên Efrînê ji alîyê grûpên çekdar ve ji dema dagîrkirina Efrînê ve destpê kirîye. Li gor zanyarîyên rêxistinên binpêkirinên Efrînê belge dikin, zêdetir ji 50 cihên dîrokî û şûnwar hatine kolandin, dizîn û wêrankirin. Herwiha bi hezaran jî darên zeytûnê hatin hilkirin û qutkirin.

Ji alîyekî din ve jêderekî din ji K24ê re dîyar kir jî, grûpa Cebhe El Şamîyê baca 600 Dolar li 5 cotkarên gundê Memila û Omera yên navçeya Reco spandine û ji wan re gotine, heger ew bacê nedin, dê tirektorên wan desteser bikin.

 

Ev nûçe 146 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin