Bavê bîra netewî ya kurdayetîyê Şerefxan e

Bavê bîra netewî ya kurdayetîyê Şerefxan e

Lêkolîner, rewşenbîr Murad Ciwan li ser ”Çavkaniyên bîra netewî ya Kurdan” li Stockholmê semînerek da: ”Bavê bîra netewî ya Kurdan Şerefxanê Bedlîsîye, alhilgirê wê jî Ahmedê Xanî” ye.

A+A-

PAK-Swêdê 1-12-2019 Stockholmê li Kitêbxana Kurdî semînerek li dar xist. Semîner ji alîyê lêkolîner, ronakbîr Murad Ciwan ve hat dayîn, moderatoriya semînerê jî Salim Çeliker kir. Mijara semînerê "Çavkanîyên bîra netewî ya kurdan" bû. Ev semîner a sêyem a rêze-semînerên ku PAK-Swêd amade dike.

seminera-m-ciwan3.jpeg

Berîya semîner dest pê bike Seroka Komîteya Rêvebir a PAK-Swêdê Seval Mert xêrhatina mêvanan kir. Semînerê bi rêzgirtina ji bo cangoriyê Kurdistanê, dest pê kir.

Murad Ciwan bi hûrgilî behsa bîra netewaya Kurdistanê kir. Di axaftina xwe da got ku heta nuha herkes bîra netewî bi Ahmedê Xanê dest pê dike. Bi ya min bavê bîra netewî ya Kurdan bi Şerefxanê mîrê Bedlîsê dest pê dike. Şerefxan di şahesera xwe ya Şerefnameyê de xarîteya welatê Kurdistanê tarîf dike, statuyek dide Kurdbûyinê û bi wê faxir dibe. Ahmedê Xanî jî wek alhilgirê Kurdayetîyê bi nav dike.

semanera-m-ciwan2.jpeg

Bîrewer Mûrad Ciwan di axaftina xwe de îddîa dike Ahmedê Xanî di Mem û Zînê de bernameya partiyeke siyasî ya Kurdistanî bar kiriye. Rewşa kurda, armanc, rê û şeklê xebatê û armanca dewletbûnê û yekîtiyê di nav rêzên Mem û Zînê de mirov bi aşkere dibîne.

Piştî navberdayînê beşdarên semînerê firsenda nerînên xwe bibêjin û pirsên xwe bikin, dîtin.

Rûpela Nû-Stockholm

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin