Agirê li daristanên Dêrsim û Çewligê berdewam e

Agirê li daristanên Dêrsim û Çewligê berdewam e

.

A+A-

 Agirê daristanên bajarokê Xozatê li Bakurê Kurdistanê berdewam e. Herwiha li Çewligê jî agir bi daristanan ket.

Ev dema 14 rojan e agirê ku bi daristanên bajarokê Xozatê li parêzgeha Dêrsimê ketiye berdewam e û heya niha nehatiye kontrolkirin.

Jibilî daristanên Xozatê, li dola Munzur jî agir bi daristanan ketiye û hewlên kontrolkirina agir berdewam in.

Ji aliyekî din ve li parêzgeha Çewligê û bi taybetî li bajarokê Xolxol û navçeya Besta ya ser bi parêzgeha Şirnexê ve, ji bo cara duyemîn agir bi daristanan ketiye, ji ber sedemên ewlekarî, rê bi ti kesekî nayê dayîn biçin cihê bûyerê û hewl kontrolkirina agir bidin.

Li navçeya Xolxolê ser bi parêzgeha Çewliga Bakurê Kurdistanê agir bi daristanê ket û  hewl tê dayîn ku bê kontrol kirin.

Li gor agahiyên hatine belav kirin li gundên Çikan û Conagê ser bi navçeya Xolxolê ji ber sedemek nayê zanîn agir bi daristanê ket û li ser agahdarkirina welatiyan midexele tê kirin.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin