92 rêxistinên mafên mirovan: Artêşa Tirkîyê û çekdaran sûcên şer dikin

92 rêxistinên mafên mirovan: Artêşa Tirkîyê û çekdaran sûcên şer dikin

92 rêxistinên yasayî û mirovî û yên parastina mafên jinan, bang li bidawîkirina dagîrkerîya Tirkîyê, çareserkirina krîza Sûrîyê û çespandina mafên netewî yên gelê Kurd di destûra Sûrîyê de dikin.

A+A-

Navenda Nûçeyan- Li bajarê Qamişlo û bi boneya Roja Cîhanî ya Mafên Mirovan, 92 rêxistinên yasayî û mirovî daxuyanîyek da. Di daxuyanîyê de hat, “Em bang li civaka navdewletî dikin ku bi cidî û lez çareserîyeke sîyasî ya aştîyane ji krîza Sûrîyê re deyne û xwînrijandin û wêrankirinê rawestîne.”

Herwiha di daxuyanîya xwe daxwaz kir, tevahî kiryarên tundî, kuştin û xwînrijandina li kolanên Sûrîyê bi giştî û bi taybet jî li herêmên Kurdan rawestînin.

Di daxuyanîyê de hat dîyarkirin, artêşa Tirkîyê û grûpên çekdar ên opozîsyona Sûrîyê yên Tirkîye destekê dide wan, binpêkirinên mafên mirovan li Bakurê Sûrîyê dikin û ew sûc dikevin nava sûcên qirkirina komî û sûcên şer ên li dijî mirovahîyê.

Her wiha hat gotin, artêşa Tirkîyê û grûpên çekdar li bajarên Serêkanîyê û Girê Spî êrişên berfireh ji kuştin, hilweşandina malan, talankirina berhemên çandinîyê dikin û di encama wê de bi sed hezaran sivîl koçber bûne. Herwiha Tirkmen û penaberên Sûrî yên navçeyên din li herêmê bicih dikin û dest bi guhartina demografî li herêmê dikin.

92 rêxistinên yasayî û mirovî dibêjin: Divê nirxên mafên mirovan, welatî, demokrasî û lêborînê bên bilindkirin û di serî de jî mafên bawerîyan çi ol, çi jî ji bilî wê dibe. Her wiha jî divê mafên nêrîn û axaftinê, rêxistina sendîqe, kombûna aştî û pirrengîya sîyasî, bên parastin.

Di beşeke din a daxuyanîyê de hat: Doza Kurd li Sûrîyê, doza nîştimanî û demokratîk a yekane ye. Divê piştevanîya kedên ji bo dîtina çareyeke demokratîk û dadperwerane bê dçtin û divê mafên neteweyî yên gelê Kurd di destûrê de bêne çespandin.

Çavkanî: K24

Ev nûçe 129 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin