Navenda Nûçeyan- Peyamnêrê Rûdawê Rawîn Stêrk ragihand, her 11 koçberên ku di bûyera pêr şev a binavbûna boteke koçberan de xeniqîbûn, Kurd in û xelkê bajarê Hesekê yê Rojavayê Kurdistanê ne.

Li beravên navçeya Çeşme ya Îzmirê li Tirkîyê, pêr şev bota ku 19 kes ji koçberên neyasayê tê de bûn noqmî avê bûbû û hatibû ragihandin, ku 11 kes di encama bûyerê de xeniqîne ku 8 ji wan zarok bûn.

Herwiha ji heman botê, 8 kes jî hatibûne rizgarkirin.

Peyamnêrê Rûdawê, Rawîn Stêrk dibêje, derketîye holê ku her 11 koçberên ku di bûyera pêr şev a binavbûna boteke koçberan de xeniqîbûn, Kurd in û xelkê bajarê Hesekê yê Rojavayê Kurdistanê ne.

Rûdaw