Tahîr Elçîyo ke 8 serrî verê cû Dîyarbekir de binê Minara Çarlinge de kişîyabi ewro cayo ke tede amebi kiştiş de ame yadkerdiş.

Serekê Baroyê Amedî Tahîr Elçî qezaya Sûrî ya Amedî de verê Mînara Çarlinge de 28ê teşrîna peyêne ya 2015î de hetê kişîyabi. Elçî serrgêra 8. ya qetilkerdişê xo de ame yadkerdiş.

Keyeyê Elçîyî, Hemsereka HEDEPî Tulaye Hatîmogullari, endamê Partîya Welatparazanê Kurdistanî (PWK) Serekê Yewîya Baroyan a Tirkîya (TBB) Erînç Sagkan, Selvîye Kiliçdaroglu, serekê baroyan û avûkatî zî tede xeylê kesî verê edlîye de kom bîyî û uca ra şîy verê Minara Çarlinge. 

Merasîm de deyîra 'Diyarbakir'î ya Ahmet Kayayî û qiseyê Tahîr Elçîyî ameyî goşdarîkerdiş. Serekê Baroyê Amedî Nahît Erenî va ke, qetilkerdişê Tahîr Elçîyî operasyonêko sîyasî bi û bi nê cînayetî proseso tarî yê 2015î dîyabi dest pêkerdiş.

Turkane Elçî vat: ''Êyê ke wazenê ma bêveng bikerê wa bizanê ke ma do edaletî bîyare ca.''

Erînç Sagkanî vat: ''Heta ke kiştoxî bêrê eşkerakerdene û cezakerdene ma do têkoşînê xo rê dewam bikerê.''

Badê cû zî mezelê Tahîr Elçîyî ame zîyaretkerdiş.