Berpirsekî Wezareta Bazirganî û Pîşesazî ya Kurdistanê ragihand, sala 2020 asta bazirganiya Kurdistanê gihîşt 25 milyar dolar.
Berdevkê wezareta bazirganî û pîşesazî ya Kurdistanê, Fethî Mihemed ji BasNewsê re got, asta bazirganiya Kurdistanê îsal dilxoşker bû, bi taybet di warên xorak û tenduristiyê de.
Fethî Mihemed her wiha got, asta bazirganiya Kurdistanê di sala 2020 de gihîşt 25.5 milyar dolar. Ev jî asteka baş e li gorî şert û mercên îsal.
Wî berpirsê hikûmetê anî ziman, eger aramiya siyasî û aborî heye sektora taybet dikare zêdetir geş bibe û asta bazirganiyê zêdetir bilind dibe û got, em pêşbînî dikin sala 2021 asta bazirganiyê bilindtir bibe û bigihê asta beriya şerê DAIŞê.