Ajansa Mezopotamyayê belav kiriye serê sibehê polîsan bi ser ofîsa wan a li Wanê gû malên rojnamevanan de girtiye û peyamnêrên wan Adnan Bilen û Cemil Ugur ligel peyamnêra Jinnewsê Şehriban Abî û Nazan Sala desteser kiriye.
Li gor agahiyên hatine belavkirin, polîsan dest danîne ser kamera û kelûpelên teknîkî yên rojnamevanan.
Yek ji rojnamevanên desteserkirî Cemil Ugur e ku nûçeya “Gundiyên ji helîkopterê hatine avêtin” çêkiribû.
Di nûçeyê de dihat gotin ku Servet Turgut û Osman Şiban hatine îşkencekirin û ji helîkopterê hatine avêtin. Servet Turgut li nexweşxaneyê 20 rojan di jêr çavdêriya hûr de mabû û piştre canê xwe ji dest dabû.