Yekîtiya Pizîşkên Tirk (TBB) eşkere kir ku li Tirkiyê di yek hefteyê de 20 xebatkar û karmendên tendirustiyê bi Coronayê canê xwe ji dest dane.
Yekîtiya Pizîşkên Tirk li ser hesabê xwe yê Twitterê ragihand ku di hefteyekê de 20 karmend û xebatkarên tendirustiyê canê xwe ji dest dane.
TBBê li ser hesabê xwe yê Twitterê nivîsiye: “Ji ber polîtîkayên dûrî şefafiyet, eqil û zanist, roj li pey roj, deqîqe bi deqîqe dimrin. Me di 1 hefteyê de 20 xebatkarên tendirustiyê ji ber Covid-19ê ji dest dan.”
Li gor amarên dawî yên Wezareta Tendirustiyê, heta niha li Tirkiye û Bakurê Kurdistanê 13 hezar û 558 kesan bi Coronayê canê xwe ji dest dane, 494 hezar û 351 kes bi Coronayê ketine û rewşa tendirustî ya 5 hezar û 11 nexweşan jî xirab e.
Herwiha heta niha 400 hezar û 242 pêketî li Tirkiye û Bakurê Kurdistanê baş bûne û 18 milyon û 415 hezar û 363 testên Coronayê hatine kirin.