Hola şahîya Newrozê tije bibû. Gelek TVyan ev şeva Newrozê ya Tifaqa Welatperwer û Demokrat bi zindî weşand.
Nûnerên gelek dezgehên sivîl, sîyasetmedar û rewşenbîrên Kurd, rêvebir, endam û dostên PAK û PSKyê bi girseyî beşdarî şahîya pîrozbahîya Newrozê bûn.
Pêşkêşvan û birevibirê şeva Newrozê endamê Meclîsa PAKê Mîrza Akar bû.
Mîrza Akar bi kurte axaftinekê şev da destpêkirin û xulekekê, ji bo şehîdên Kurdistanê rêz hate girtin.
Paşê Serokê Giştî yê PSKyê Rêzdar Mesut Tek û Serokê Giştî yê PAKê Rêzdar Mustafa Özçelik di derbarê Newrozê, rewşa her çar perçeyên Kurdistanê û hilbijartinên herêmî yên 31ê Adara 2019an da bîr û rayên xwe anîn zimên.
Sîyasetvan û helbestvanê Kurd Mela Emadîn jî helbesteka Newrozê xwend.
Şahîya Newrozê a Tifaqa Welatperwer û Demokrat a li Amedê bi stranên ozanên Kurd Bêrîvan û Çîyager û bi dîlan û govenda girseyî, bi coşeke mezin bi dawî hat.