Navenda Nûçeyan - Berpirsê baskê 15ê yê Xaneqînê yê PDKê Şêx Cehfer Mistefa ji BasNewsê re got: ‘’Raste terorîstên DAIŞê çalakîyên wan kêmbûne, lê demeke li navçeyên Kurdistanî bi awayê partîzanî êrîşî çeperên hêzên Pêşmerge dikin û direvin. Ev yek nîgeranî û tirs bo jîyana hemwelatîyên Xaneqîn û navçeyên Kurdistanî çêkirîye.’’
Herwaha got: ‘’Eger hêza Pêşmerge zêdetir li vê navçeyê neyê bicîhkirin, terorîstên DAIŞê çalakîyên xwe li hember hêzên Pêşmerge dê zêdetir bikin.’’
Şêx Cehfer Mistefa got. ‘’Çekdarên DAIŞê naha fêrbûne êrîşên nişkawa dibin ser çeperên hêzên Pêşmerge û piştre ber bi cîhên nedîyar ve direvin. Mixabin şeva borî terorîstên DAIŞê li Kuleco êrîş kirin ser çeperên Pêşmerge û ji ber wê êrîşê du Pêşmergeyên qehreman şehîd bûn.’’
Berpirsê PDKê got: ‘’Herçend berdewam Pêşmergeyên qehreman bi tundî bersiva terorîstên DAIŞê didin jî, lê eger hêza Pêşmerge bi awayekî berfireh li navçeyên Kurdistanê bên bicîh kirin, terorîstên DAIŞê nikarin li vî sînorî çalakîyan bikin.’’