Terorîstên DAIŞê, li Kerkûkê welatiyek di nav otomobîlekê de şewitandin.
Li gor zanyariyan, do bi şev çekdarên DAIŞê welatiyek di nav otomobîlekê de şewitandin. Welatiyekî ji gundê Gubeybe yê ser bi navçeya Hewîce ya li başûrê Kerkûkê, bi otomobîla xwe ketiye kemîneke çekdarên DAIŞê û ji aliyê çekdaran ve di nav otomobîlê de hatiye şewitandin.
Zanyarî diyar dikin, navê welatiyê ku bûye qurbanî, Ebdulkerîm Celal e û kesekî Ereb e û cotkar e.
Hêjayî bibîrxistinê ye, di nava 3 mehên borî de, şeşem bûyera bi vî rengî ye ku li wî gundî diqewime û ji ber êrîşên terorîstên DAIŞê, gund vala bûye.