Şaredariya bajarê Bedlîsê yê Bakurê Kurdistanê piştî bertekên zêde yên xelkê Bedlîsê û civaka Kurd tabelaya Kurdî ya ketin û derketina bajêr ji nû ve danî, lê ya avahiya şaredariyê hîn nedaniye.
Hat dîtin ku tabelaya ketin û derketina Bedlîsê bi Kurdî, Tirkî, Zazakî, îngilîzî û Erebî ji nû ve hatiye danîn.
Herwiha li ser nivîsa ‘Hûn bi xêr hatin bajarê Bedlîsê’ jî navê alimê Kurd Bedîuzzeman Seîdê Kurdî wekî; Bediuzzaman Said-i Nursî’ hatiye nivîsandin.
Wek ku tê zanîn, Nezrullah Tanglayê ji AK Partiyê Şaredarê bajarê Bedlîsê hatiye hilbijartin, tabelaya ‘Şaredariya Bedlîsê’ ya ser avahiya şaredariyê anîbû xwar û li şûna wê tenê tabeleya ‘Bitlis Belediyesi’ hiştbû