Siyasetmedar û sendîkavanê Kurd ê Mahmut Tîmurtaş, îro 17ê Çileyê 2021ê li nexweşxaneya bajarê Sêrtê yê Bakurê Kurdistanê koça dawî kir.
Mahmut Tîmurtaş 15ê Çile roja înê li bajarê Sêrtê krîza dil derbas kibirû û li Nexweşxaneya Dewletê ya Sêrtê hatibû razandin.
Tevî hemû hewldanên pizîşkî yên du rojan Mahmut Tîmurtaş îro Yekşemê li nexweşxaneyê jiyana xwe ji dest da.
Mahmut Tîmûrtaş siyasetmedarekî naskirî bû û piştî derbeya 12ê Îlonê ji ber doza DDKD-KÎPê hatibû girtin ku wekî piraniya siyasetmedarên kurd ên wê demê di Zîndana Amedê de mabû.
Tîmûrtaş zêdetirî 20 salan Seroktiya Şaxa Sêrtê û Mêrdînê ya Sendîkaya DISK GENEL-ÎŞê kiriye û li Şaredariya Sêrtê jî wekî Serokê Daîreya Karên Paqijiyê xebitiye.
Mahmut Tîmûrtaş bavê Berdevkê Ciwanên Netewî yên Kurdistanê (CNK) Jiyan Tîmurtaş e.