Li devera Biradost ya bajarê Soran yê Başûrê Kurdistanê, ji ber bordûmana firokeyên şer yên Tirkiyê sivîlek hat kuştin.
Duh danê êvarê firokeyên Tirkiyê, bi behaneya hebûna hêzên PKKê li gundê Zîna Xelîl Beg li devera Biradost ya bajarê Soran dan.
Li gorî agahiyan, otomobîleka gundiyan ket ber êrişa firokeyan û di encamê de kesek mir û yek jî birîndar bû.
Hat gotin ku ew kesên han birayên hev bûne. Navê kesê ku hatiye kuştin Mensûr Nafih (25 salî), navê yê birîndar jî Peşêw Nafih (20 salî) bûye.