Serok Mesûd Barzanî îro 09.10.2020ê li ser rêkeftina Hikûmeta Herêma Kurdistanê û Hikûmeta Federal a Iraqê ya derbarê asayî kirina rewşa Şingalê de peyamek belav kir.
Li gor malpera fermî ya Serok Barzanî peyam waha ye;
Bi navê xwedayê mezin û dilovan
Rêkeftina di navbera Hikûmeta Federaliya Iraqê û Hikûmeta Herêma Kurdistanê ya li ser vegerandina aramî û asayîkirina rewşa Şingalê hengaveke erênî û rêyeke raste. Destxweşiyê li her du Hikûmetên Federaliya Iraqê û Herêma Kurdistanê dikim ji bo wê rêkeftina ku dibê sedema asayîkirina jiyana welatiyên li wan navçeyan û kêmkirina êş û azarên xûşk û birayên Êzîdî û vegerandina wê xelkê ku ji ber rewşa çend salên derbasbûyî û êrîşên terorîstan tûşî êş û koçberiyê bibûn.
Hêvîdarim ev hengava girînga her du aliyan destpêkek jî bê ji bo çareserkirina hemû kêşe û giriftên di navbera Hewlêr û Bexdayê.
Mesûd Barzanî
09.10.2020