Piştî civînê hat ragihandin, di hevdîtinê de rewşa siyasî û emnî û aboriya Iraqê û encamên pejika Korona li ser jiyana giştî ya li Herêma Kurdistan û Iraqa Federal hate nirxandin.
Herwiha herdu aliyan ronahî xistin ser metirsiyên terorê û ew gefên rûbirûyê proseya siyasiya Iraqê û Herêma Kurdistanê dibin.
Di hevdîtinê de Balyozê Brîtanya li Iraqê destxweşî li rêkeftina asayîkirina rewşa Şingalê kir ku di navbera Hikûmeta Federaliya Iraqê û Hikûmeta Herêma Kurdistanê de hatiye wajo kirin û hêviya wê yekê jî xwest ku ew rêkeftin bê bicihkirin.
Serok Barzanî li ser mijarê palpiştiya xwe ya ji bo Hikûmeta Mistefa Kazimî û rêkeftina Şingalê dûpat kir û got, pêwîste ew gefên asteng in li ber bicîhkirina rêkeftina Şingalê û vegerandina koçberan nemînin.
Herwiha hilbijartinên dahatû yên Iraqê jî mijareke din a hevdîtinê bû.