Rewangeha Sûriyê Mafê Mirovan (SOHR) aşkere kir di heyama 72 saetên dawî de 30 kes li Serêkaniyê ji aliyê milîsên ser bi Tirkiyê ve hatine desteserkirin.
Ligor daxuyaniya SOHRê hêzên milîsên opozîsyona Sûriyê çend roje dest bi desteserkirina xelkê sivîl li bajarê Serêkaniyê yê Rojavayê Kurdistanê kiriye. Herwiha hêzên milîsên opozîsyona Sûriyê bêrêzî beramber xelkê kirine û bi awayekî hovanê bi ser malên xelkê de girtine.
Cihê behsê ye milîsên ser bi Tirkiyê li bajarên Efrîn, Girêspî û Serêkaniyê bi tohmetên cûr bi cûr bi ser malên xelkê de digirin û xelkê sivîl desteser dikin û hewl didin bi ser demografiya bajarên kurdan biguherînin.