Li sînorê bajarokê Çaldiran a ser bi parêzgeha Urmiyê û li ser sînorê navbera Bakur û Rojhilatê Kurdistanê, kolberekî kurd ji aliyê Spaya Pasdarên Îranê ve hat kuştin.
Îro roja yekşwmê 18.10.2020an Rêxistina Mafê Mirov a Hengawê belav kiriye, hêzên Îranê li bilindahiyên sînorê bajarê Çaldiranê teqe li hejmarek ji kolberên kurd kiriye û di encamê de kolberek bi navê Emîn Şems hatiye kuştin.
Herwih ligor raporta Hengawê, Emîn Şems xelkê gundê Mele Hesen ê ser bi qezaya Makoyê ye û êvara roja şemiyê li ser sînorê navbera Bakur û Rojhilatê Kurdistanê hatiye kuştin.
Di beşeka din a raportê de hatiye ragihandin ku ew kolberê kurd zewicî bûye û bavê zarokekî bûye.