Bi amadebûna Serokê Hikûmeta Herêma Kurdistanê, Desteya Serokatiya Parlamentoya Kurdistanê, roja Duşemê 05.10.2020an, weke bernameya karê rûniştina 8a ya asayî ya demsala payîzê destnîşan kir û civîn dê wê rojê pêk bê.
Li gor zanyariyan, di bernameya roja duşemê de, rûniştin wê di saet 10:00an de destpê bike û Serokê Hikûmeta Herêma Kurdistanê Mesrûr Barzanî, Cîgirê Serokê Hikûmetê Qubad Talabanî û Wezîrê Darayî û Aborî Awat Şêx Cenab dê civînê de amade bin.
Mijarên civînê jî wİha ne;
1 – Pêngavên bicîhanîna proseya çaksaziyê di kabîneya nehem a hikûmeta Herêma Kurdistanê de. Bi taybet pêngavên bicîhanîna yasaya çaksaziyê di mûçe û hebûn û bexşîn û îmtiyaz û malnişînê li Herêma Kurdistan – Iraqê. Hejmara 2 sala 2020
2 – Rewşa darayî ya Herêma Kurdistanê û dabeşkirina mûçeyan
3 - Danûstandinên li gel Hikûmeta Iraqa Federal.
4 – Rewşa navçeyên Kurdistanê yên derveyî îdareya Herêma Kurdistanê.
5 – Ziyan û pêngavên tekoşîna hember vîrusa Koronayê.