Tirkiye li hember bajorokê Eyn Îsa yê Rojavayê Kurdistanê, baregeheke nû yê leşkerî çêdike û di bombebarana derdora bajarok de, du welatiyên sivîl birîndar bûn.
Li gor çavkaniyên xwecîhî, komên çekdar ên girêdayî Tirkiyê, gundên Hoşan û Xalidiyê yên li devera Eyn Îsayê û rêya M4 topbaran kirin. Ji ber topbaranê du kes birîndar bûn û zirarên madî jî li mal û milkên xelkê ketine.
Herwiha Rewangeha Mafên Mirovan a Sûriyê daye zanîn; Tirkiye binkeyekî nû li hember bajarokê Eyn Îsayê ava dike, ji bo vê jî dest bi kolandina xendeqan û veguhestina alavên leşkerî bo wê binkeyê nû kiriye, ev jî duyem binkeya nû ya leşkerî ye, ku di van demên dawî de ava dike.
Artêşa Tirkiyê di 19ê meha borî de, yekem binkeya serbazî ya nû li gundê Temamê yê ser bi Eyn Îsayê vekir, ku tenê 2 kîlometre ji navenda bajarokê Eyn Îsayê dûr e.