Xortekî Kurd yê bi navê Kejwan Elmasî ku ji bajarê Sinê ye, li Teharanê li navçeya Şariyarê dema li mala mirovekî xwe mêvan bû, polîs avêtin ser malê û wî xistin bin çav.
Li gor ragihandina Rêxistina Mafên Mirovan ya Rojhilatê Kurdistanê Hengawê; piştî Kejwan Elmasî xistine binçav ji piştê de lê xistine û wî şehîd kirine. Kejwan Elmasiyê 30 salî roja pêncşema borî hatiye qetilkirin û pêre yek kes birîndar bûye lê navê wî nehatiye zanîn.
Malbata Elmasî bo dadgeha Şariyarê seredan kirine da qatilên Elmasî bên girtin û darizandin. Li gor ragihandina Hengawê; piştî pêvajoya qanûnî qedandine, cenazê Elmasî îro teslîmê malbata wî kirine.
Kejwan Elmasî bi sedema rewşa debara malbata wî xweş nebû, çûbû Tehranê û li wê derê dixebitî da debara mala xwe bike.