Piştî ku îro 2yê Cotmehê şaredarê bajarê Qersê yê Bakurê Kurdistanê Ayhan Bilgen hatin girtin û parêzgarê Qersê Turker Oksuz wekî qeyûm ji aliyê Wezareta Navxwe ya Tirkiyê ve li ser şaredariyê hat danîn, wekî karê pêşî qeyûmê şaredariyê li ber avahiya şaredariyê nimêja Fethê û dia kir.
Hat zanîn ku çawa biryara girtina Ayhan Bilgen û 16 siyasetmedarên HDPê li Enqerê hat dayîn, di nav 10 deqeyan de qeyûm bo şaredariyê hat tayînkirin.
Qeyûmê şaredariyê parêzgarê Qersê Turker Oksuz jî wekî karê pêşî erka xwe ya nû bi nîmeja înê ya Fethê li ber avahiya şaredariya Qersê wergirt.
Şaredarê Qersê Ayhan Bilgen û rêveber û parlamentarên berê yên HDPê bi hinceta bûyerên Kobaniyê yên sala 2014an zêdetirî hefteyekê ye hatibûn binçavkirin û îron hatin girtin.