Serok Mesûd Barzanî bi boneya hatina cejna Cemayê Êzdiyan peyameke pîrozbahiyê arasteyî Mîrê Êzdiyan û Encûmena Rûhanî û hemû Êzdiyên Kurdistan û cîhanê kir.
Peyama Serok Barzanî wiha ye:
Bi navê Xwedayê mezin û dilovan
Bi helkefta hatina cejna Cemayê Êzdiyan pîrozbahiyê li Mîrê Êzdiyan û Encûmena Rûhanî ya Ola Êzdî û hemû xûşk û birayên Êzdiyên Kurdistan û hemû cîhanê dikim.
Her di vê helkeftê de em pêgirbûna xwe ya bi bingehên pêkvejiyana olî û neteweyî ya li Kurdistanê dûpat dikin û careke din piştevaniya xwe jî ji bo daxwaz û mafên rewayên xûşk û birayên me yên Êzdî radigihînim.
Hêvîdar im ku xûşk û birayên me yên Êzdî hemû cejn û xweşiyên xwe di rewşeke aram û pir bi bexteweriyê de bi rê ve bibin û dawî bi wan êş û azarên wan bê ku di çend salên derbasbûyî de ji ber zulma terorîstan dîtine.
Cejna we pîroz be û bimînin di xêr û xweşiyê de
Mesûd Barzanî
06.10.2020