PDK û YNK yasaya nû ya hilbijartinan a Iraqê red dikin
Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) yasaya niha ya hilbijartinan a Iraqê red dikin û dibêjin ku di yasaya niha de kêmasî hene û di wê baweriyê de ne ku bi şêweya niha ya vê yasayê, dê zirarmendê yekem Kurd bibin.
Ji bo vê mebestê, PDK û YNK li ser yekkirina helwesta xwe li ser yasaya hilbijartinan a Iraqê rijd in û gelek civîn encam didin. Herwiha dixwazin aliyên din ên siyasî jî di civînan de beşdar bin.
PDK û YNK diyar dikin ku di yasaya niha de gelek kêmasî hene û Kurd dê zirarmend bibin, loma divê ev yasa were sererastkirin.
Plana PDK û YNKê ew e ku bi hev re nerazîbûna xwe bibin Bexdayê û ligel aliyên din ên siyasî yên Iraqê li ser vê mijarê gotûbêj bikin.
Ev di demekê de ye ku 1ê Hezîrana 2021ê weke roja hilbijartinên pêşwext ên Iraqê hatiye diyarkirin.