Partiya Demokrat ya Kurdistanê (PDK) û Yekitiya Niştimanî ya Kurdistanê (YNK) li ser destnîşankirina parêzgarê nû yê Kerkûkê dicivin.
Li gorî agahiyên BasNewsê, şandên bilind yên PDK û YNKê dê îro li Hewlêrê li ser destnîşankirina parêzgarê nû yê Kerkûkê bicivin.
Di civînê de dê li ser pêkanîna hikûmeta nû jî were axaftin.
Parlementerê YNKê Zikrî Zêbarî beriya niha ji BasNewsê re gotibû, PDK û YNK dê di nav du rojan de li ser pêkanîna hikûmetê û destnîşankirina parêzgarê nû yê Kerkûkê li hev bikin.
Zêbarî dabû zanîn, YNKê bo parêzgariya Kerkûkê navê du kesan daye PDKê; yek ji wan Xalid Şivanî ye û yê din jî Cemal Tahîr e.