Parlementerekî YNKê dibêje, hetanî dawî ya vê heftiyê PDK û YNK dê li ser pirsgirêkên xwe li hev bikin.
Parlementerê Kurdistanê û endamê firaksiyona YNKê, Zikrî Zêbarî ji BasNewsê re got, hewl û xebatên lihevanîna PDK û YNKê li ser pêkanîna hikûmetê û çareseriya pirsgirêka danîna parêzgarekî nû bo Kerkûkê didomin.
Zikrî Zêbarî her wiha got, bi texmîna min hetanî dawî ya vê heftiyê (27 vê mehê) her du partî dê li hev bikin.
Wî parlementerê YNKê da zanîn, YNKê navê du namzetan ji bo parêzgariya Kerkûkê daye PDKê û got, yek ji wan Xalid Şivanî ye û yê din jî Cemal Tahîr e.